警讯 之 游船河

雖然唔系個個蒲LKF的人都系壞人, 但嗰度系另一個生態圈,「搵快餐」既人集中響嗰度搵食. 如果唔系同道中人, 避免流連該處而中招乃是常識.正如自問不是武松, 就無謂上山, 費事上得山多終遇虎.

但最近聽到原來嗰班去開LKF搵食的人, 竟然公然去別人船河百撞. 手法是首先去碼頭混入人群之中扮等船, 搭訕識人, 然後跟人上船. 船開出後, 如果被人拆穿, 就扮上錯船. 儘量令自己響唔駛出錢的情況下又食又拎又溝女.

先唔好講「搵快餐」究竟是否道德, 現今社會男女平等, 大家你情我願, 所以無謂批評有那些人的living style. 單單說他們為了練習講大話的技巧及成功省下三數百船河錢的做法, 及事後標榜自己很型很有腦, 其實是把人性關係中應有的互信及對別人的同情心徹底摧毀.

當正經活動如船河都被這些人染指, 世上何處是淨土?