2009年4月14日 星期二

得罪人多称呼人少

得罪人多称呼人少时常响我身上发生, 以前有个男性大学同学曾经同我讲过: 「如果你系男仔的话, 一早比人劈死左啦!」我觉得佢都讲得几中, 所以好在我系女人.

今日又发生左一件0甘0既事. 我去眼镜铺拿订造好的眼镜时, 刚巧有两个十几岁的青年男女入来买眼镜.

女: 「用渣打信用卡买眼镜, 有无得分期付款架?」

店主: 「信用卡分期系同银行倾架嘛, 唔关我地事哦. 而且买眼镜分期付款? 唔驶吖? 你想买D 好贵既0羊? 」

女: 「系哦, 要同银行倾.....」

店主: 「你想买几钱吖? 」

女: 「唔系我买, 系佢买.....」

男: 「我想买名牌.」

店主: 「你读紧书吖? 」

男: 「系.....」

店主: 「读紧书买名牌? 」

男: 「ei.......都有做紧野.....」

小瓶子 (听到顶唔顺, 冲口而出): 「做紧野都唔驶买名牌啊????」

店主(兜返, 打完场): 「甘其实名牌都唔会太贵, 连镜都系二千几左右!」

女: 「系0羊? 甘Dior 啦, Dior 好似几好~~」

店主: 「男仔紧系带Prada 啦, 女仔带Dior 就OK.」

(下删采购眼镜的对话....)

好采, 好事生非, 口多多的小瓶子今次无比人斬死.....

11 則留言:

陳大文部落 提到...

唔係下話....

免息分期係舖頭自己同銀行傾,唔係由個客人自己同銀行傾㗎喎。

銀行邊會同每一個客人傾呢。( 啋你都傻啦 )


講番以事論事,我覺得果間舖頭態度麻麻咋喎,咁樣問人--->[ 而且买眼镜分期付款? 唔驶吖? 你想买 D 好贵既0羊? ]

無乜禮貌。<---舖頭

而且老實講,做生意就做生意啦,舖頭理得人係咪學生嗟,係又點唔係又點,總之有無分期、有無錢俾、過唔過到 $$$ ,咁就 OK 啦。

買嘢而家查家宅咩。教仔呀? ( 我觀點係比較簡單少少 ^^" )

其實我有時都體諒有人會買名牌少少嘅眼鏡 ( 主要鏡框 Design好 ),因為平嘢,大佬,有好多真係好 Q 肉酸,唔係話平嘢無好,但 Design 呢樣呢,有時真係名牌得有道理嘅。

Betty 提到...

甘可能我为人比较寸, 又会比较 buy D 寸寸贡的人哦.... 哈哈哈...

我听嗰店主的讲野的内容+语气, 又唔觉得佢态度差...

可能我自己平时D态度更差....哈哈哈...

陳大文部落 提到...

甘可能我为人比较寸, 又会比较 buy D 寸寸贡的人哦...

哦,咁呢個...又另一個問題啦下話 ~

篤篤篤撐 提到...

我又o甘睇,
好多學生仔買副名牌眼鏡, 其實係學緊成長既第一步 (鬼叫hk主流觀念係人大左, 有自主能力, 就要有名牌傍身咩)
所以, 應該對佢地寬容d, 至於將來大個左, 是否識得適可而止, 係每個人的自己造化.

不過, 你的確幾寸wor...kakakaka

匿名 提到...

係咪細鋪頭黎? 如果唔係大連鎖店, 冇分期都正常呀. 呢種打上銀行做分期既同平時大連鎖店個d 唔同架, 要打上去同銀行講我而家簽畢數幾千蚊想做分期, 咁可能會有charge 囉. 不過無可否認店主係串左d.. xdd

Hehehahavevewawa 提到...

搭讪係一門心理学,网上有好多資料供研究.
相當吸引人的一種溝通技巧,如果搭得好的話,
可以令大家得到很美好的感覺,好像....

青梅竹馬...
兩小無猜...
青春無悔...
滄海桑田...
世界大同...
恆指再破三萬點...
樓市返回九七年水平...

相反,若果搭得唔好,可能令對方產生各種情緒,彷佛就似是....

雨思睛愁...
悲歡離合...
緣起煙滅...
前世今生...
天地渾然...
黑洞形成...
宇宙大爆炸!!!

Irisssy 提到...

「如果你系男仔的话, 一早比人劈死左啦!」
嗯... 我都曾經咁樣俾人話過... 但係唔知點解聽落反而覺得係一種僥倖中的讚美, 哈哈哈!!!

雖然個店員係串d, 但係佢又真係講得幾0岩架啵... 我係十萬個唔明點解時下d學生咁追名牌, 仲要係響幾年間發展到家下咁0既時勢囉...我讀中學0既時候都無咁誇張0架明明~

L L 提到...

個店主有啲問題喎,咁講嘢?

若缺齋老人 提到...

我係忍住唔會出聲既人,不過對月光族向來冇咩好感。

南蠻人 提到...

嘻嘻,八掛精!:P

Betty 提到...

无错...哈哈!!