同男友拍咗1年, 佢是專業人士, 有樓有車, 我一心唸住第時同佢結婚, 兩個加埋就變中產家庭, 由公屋搬去太古城, 因我不嬲有個夢想, 就係搬去太古,由屋村階層變中產階層
尋日同佢傾開結婚計劃,先知原來佢月入只是2萬幾(就來
一心唸住搵個大我成10幾年的人,就是想生活安定,唔駛
唉…………….
昨天有位猛男對太古小姐作出以的回覆>>
既然你咁坦白明買明賣,就嚟傾傾條件吧,
月入4,5萬冇問題,家又在太古城,有基金有保險,
我諗法邏輯又同你差唔多,我就覺得:
男人搵到D錢,又住太古又單身,梗係搵個好架啦,唔通搵
咁你有咩條件?
初戀情人型,青春樣靚身材好有冇?
或
住家菜型,洗衫煮飯家頭細務識唔識?
或
時代女性型,男女平等步伐一致,咁你事業又如何?
或
背後女人型,細心溫柔有耐性,總有你鼓勵果隻,會唔會?
或
女管家型,相夫教子,理財有道不亂花錢,曉唔曉?
全部都冇?你要變中產?你係 X 家鏟咋掛?
讲真, 要住太古嗰D二十几年楼龄既楼, 都搞到好似追求梦想甘难, 呢D 又系边个既错呢?
18 則留言:
邊個既錯...?邊個可以教到個囡有d咁扭曲既價值觀，果個咪錯囉...
那女生一定要看看蝸居這套戲，tvb好像就來播。他會有點覺悟
我有朋友買不起樓。他的父母怨樓價太高，為子女抱不平。其實，他的父母姨媽姑姐都是炒家，係佢屋企人令佢買唔到樓。假設佢既親人冇炒樓，但總有人既父母係炒家。幾乎可以話，係人哋既父母令佢買唔起樓。係上一代令下一代買唔起樓。可以怨邊個？有樓既只望搵更多錢炒樓，搵到錢先可以幫仔女買樓。
捻起呢個來自高登o既帖
http://forum4.hkgolden.com/view.aspx?type=LV&message=2248463&highlight_id=0&page=1
諗野係可以多角度的。
如果個個女仔都係o甘諗, 即係佢地只不過係不斷在追逐安全感, 並沒有追求愛情。
但, 每個人都天生會追求浪漫 (尤其是女人)。
於是, 作為一個冇錢冇樓冇cash乜都癟既男仔有福了, 只要你有計, 真係大把野食, 仲唔駛負責tim, 正ar~~~
其實仲有好多女仔唔睇物質，只係想同個中意既人長長久久。
呢嗰女仔都系单一例子, 唔代表全部既...
又, 如果一间合意的居所 (我唔系指豪宅, 而且太古城也不是豪宅.) 不是那么困难去供的话, 也不会造就这些悲剧了.
那位想住太古城的村姑.....
我堂弟及堂弟婦都是中五畢業，今年27歲，他倆月入二萬多，租住大圍私樓，有位3歲仔仔，第二位小朋友9月會出世，他倆自知未有能力買樓，所以唔買，租樓住著先，我倒發覺他們一家幾口生活得很愉快，沒有因買不起樓而左愁右煩，很替他倆高興，知足肯捱，是他倆快樂的泉源!
那位想住太古城的村姑.....
系两个人夹埋二万多还是一个人二万多?
大围OK哦...得闲踩下单车...
其他角度同重點都大把人講。等我講吓啲廢話。
其實我覺得佢幾為得佢未來老公著想吖!太古城出名乜呀，大家知唔知？
香港島？港島區大屋苑多的是，南區有海怡同埋置富；西區有寶翠；同區有杏花村、鯉景灣。咁點解要太古城呢？．．．實用。
佢實用面積出名高，意味每一分錢，都可以用嚟住。
第二，太古城絕對唔係豪宅，而唔係「傳統正派豪宅」都有一個特色，就係有地鐵。你見淺水灣、赤柱有地鐵嗎？山頂呢？
地鐵快、靚、正，佢想佢老公可以每日準時返工，又唔洗浪廢的士錢，幾好吖！
太古城另一個出名之處係多日本人。可能佢想佢老公為國家爭返口氣，溝晒啲日本人妻。偉大！
這位太古小姐代表著超過一半的香港女士, 她們心裡追求的是有樓有車的安穩生活, 但嘴巴不會如此坦白的說出來.
甘又讲番转头, 香港唔似外国, 可以买架 motel 然后周围泊过其流浪生活.
应该无人(男女都好) 想住笼屋瞓天桥底呱.
其實講來講去咪就係想搵個有錢老公，做一個行出街唔會比人睇死嘅靚太囉，唔洗講到又要買架motel，又要流浪錦wo，香港係無motel，無位泊，係無人想住笼屋瞓天桥底，但香港有共屋呢。一開始佢就唔係傾咩結婚計劃啦，係結婚後做有錢靚太計劃，有咩好唉吖，有本事咪自己買樓買車，搵個無錢嘅男人同佢結婚囉，個男人搵兩萬幾都仲要唉... 咁二幾三十歲都仲係搵得幾千到萬幾咪要死咗佢？人怕出名pig怕fat，你有錢，人地更有錢，做到中產後又想個老公可以做埋理加城。唉... 女人真係可伯...
我估贪婪是人类天性吧.
追求太古城並無不妥, 只是太急功近利了點
一結婚就夢想成真不太好吧...位小姐幾歲
還有我看不明白甚麼是 "原來佢得個殼"
"原來佢得個殼", 意思即係話佢個男朋友金玉其外, 身家唔多, 連太古城嘅舊樓都買唔起.
其實個女仔咁有目標都唔係問題(不過唔受歡迎LOR)，不過佢STRATEGY唔岩姐。佢如果一早摸清個男仔個底(家底)，就唔駛去到而家呢個境地。
拜金無罪，錯在手法。
我反而寫咗篇嘢分析個男仔喎!
太古女男友
張貼留言