2010年5月29日 星期六

礼金

与音乐家(男)讲下无聊八卦野. 因为音乐家正在蜜运中, 而且也朝着结婚之路走, 所以问一问他关于男家比礼金女家的意见.

小瓶子: 「某些朋友觉得结婚比礼金是不合事宜的习俗, 不合理就应该反对到底. 你点睇呢?」

音乐家: 「如果对方父母要求, 又负担得起, 米比咯.」

小瓶子: 「但系甘样男女不平等哦.」

音乐家: 「如果你爱嗰女仔, 唔想佢难做, 米比咯. 又唔系嗰女仔想要, 系嗰女仔父母想要, 人地父母点你控制唔到架.」

小瓶子: 「但呢样系原则问题哦. 某D朋友系坚决唔比架.」

音乐家: 「甘佢米正仆街咯. 佢可以美其名话乜乜乜原则, 但系唔代表佢唔系一个仆街. 佢唔多爱条女, 呢D 甘既人点嫁得过? 点能够同佢结婚架?」

小瓶子: 「但系唔合理的习俗我地又无理由继续支持架嘛.」

音乐家: 「得, 可以. 到你生左嗰女之后, 就坚决唔收礼金咯. 上一代D野你无得改, 你由自己开始做好佢, 开始改咯.」

小瓶子: 「........」

伸延阅读:

第四十七回: 子曰,反抗不了,就學會享受

14 則留言:

eric 提到...

講得都幾有道理。
其實真喺有人咁死硬唔比禮金?

篤篤篤撐 提到...

結婚本身就係世俗野, 如果要原則唔理個女仔點面芍家人, 同居結婚

匿名 提到...

禮金如果只是小數目, 何必破壞別人堅持的習俗? 入鄉隨俗, 新年派利是, 許多番鬼佬也隨俗.

Elvis 提到...

我就係堅決唔會畀禮金既人

話要收禮金果d人簡值係癡撚線

Elvis 提到...

乜撚野如果愛條女

咁不如,如果條女愛我,畀返十萬八萬先嫁畀我啦,唔係就唔愛我

匿名 提到...

其實有咁嘅諗法嘅人都好嘅,起碼少咗一個競爭對手丫嘛。哈哈。

Elvis 提到...

唔畀錢就唔嫁既女,最好你拎夠兩打走啦

Betty 提到...

哗.....E才子好似第一次来留言. 一来就甘激吖....

過內人 提到...

企硬係態度,圓滑是手段。

兩者沒有衝突的。

Betty 提到...

过内人:

E? 圆滑唔系你性格哦!

雪山飛狐 提到...

I didn't give money to my in-laws either.

Betty 提到...

纯粹个人猜测, 不代当事人立场.

过内人: 「如果对方父母真系想收番三两万礼金. 数目唔大, 当比钱长辈饮茶, 甘又得唔得呢?」

Elvis: 「甘当然唔得啦, 点解结婚我要比女方父母钱饮茶? 又唔系女方比钱我父母饮茶呢? 呢样野根本就唔合理, 唔公平.」

Lydia 提到...

Very easy, you got the girl pregnant, then there is a much greater chance that her parents will pay you to have her.

Hahahaha... Sorry, I am actually a woman. I think the idea of 禮金 sucks. When my mother requested it, I actually paid her out of my own pocket and I didn't have to tell anyone.

Betty 提到...

Lydia:

现在嗰问题系, 礼金呢样野系唔合理既传统, 所以即使你比钱你阿妈, 同佢讲嗰D系男方比既礼金都唔应该. 因为呢D唔系钱既问题, 系原则既问题. 嗰男仔如果知道左, 唔会夹计同你瞒住阿妈.

例如如果吃饭饮茶时你阿妈爆响口, 同嗰男仔讲左句类似: "你真系孝顺, 真系有我心啦, 现在好少男仔会比礼金." 嗰男仔唔会帮你隐瞒其实他无比礼金既事实, 到时候成件事就会穿左出来.