2010年4月27日 星期二

座谈会

今日出席了一个座谈会.

请来的主持嘉宾相信是准备不足, 竟然讲讲下忘记了四位来宾的名字及搞乱了他们的职衔, 连我坐在台下都替他捏一把汗.

嘉宾们是来自各种不同行业专业人士及公司高层, 可惜谈话内容太空泛, 主持也不能够提出一些具体尖锐的问题, 所以感觉不到这个吹水座谈会有什么得着.

其中一位嘉宾, 是律师. 讲解大陆及香港法制之不同, 说大陆的法制比香港不完善, 执法人员素质低, 不公平, 大陆的法官很多是军人出身, 所以没受正式教育.

大佬, 呢D野我估街市卖菜嗰位阿婶都识吹, 唔驶律师话我知呱. 去得座谈会既人, 都唔系柴娃娃中学生, 就系想知道响大陆甘既情况底下, 有乜野可以帮到手.

有嘉宾提到签合同要小心, 写清楚中止合同的条款. 响大学读 Business Law 都学过 Exit Clauses , 问题系有无实际例子讲番究竟要注意什么细节呢? 讲一两个让大家开开眼界吖嘛, 结果又系无.

另外又有嘉宾提出上大陆做生意要有人脉, 香港人提供 know how, 大陆方面提供 know who, 总之帮你搞掂晒上面的各部门官员, 乡亲父老, 有关势力人士. 唔识人系做唔到生意既. 真系鬼唔知阿妈系女人0羊! 问题就系我想知如果真系唔识人的话, 应该要从边方面入手打关系吖嘛!

1 則留言:

匿名 提到...

小瓶子:
唔好咁勞氣啦,唔靚女嫁。
1.個律師,講既係碎料,正常喎。
講太多,益左你地,佢無錢收個喎。
2.個生意佬講既係啱既,中國做生意要靠人脈。你應該問你自己有無人脈,如果無,即係唔駛諗其他。
3.你會唔會對今次座談會既期望高左呢?下次出席座談會,不要有期望,座下好啦,咁你就唔會失望啦。知無?
路人甲