2010年4月19日 星期一

转载: 太古女遇上猛男回應

話說幾日前有位小姐在discuss 發了以下的言論>>

同男友拍咗1年, 佢是專業人士, 有樓有車, 我一心唸住第時同佢結婚, 兩個加埋就變中產家庭, 由公屋搬去太古城, 因我不嬲有個夢想, 就係搬去太古,由屋村階層變中產階層

尋日同佢傾開結婚計劃,先知原來佢月入只是2萬幾(就來
3 萬),唉,原本唸住佢最少有4-5萬,我都有萬三一個月, 同埋,佢話佢住緊層樓值230萬, 但有150未供, 同佢手上只得現金加股票值50幾萬,我一計,總數是最多可套硫130萬,但太古單位要成500幾萬,即係3成首期都未夠,我同佢講,不如借9成本買太古,點知佢話,我地加埋月入只是4萬幾,邊住得起太古呀,唉,真係離晒普,好失望

一心唸住搵個大我成10幾年的人,就是想生活安定,唔駛捱, 好失望,原來佢得個殼
唉…………….


昨天有位猛男對太古小姐作出以的回覆>>

既然你咁坦白明買明賣,就嚟傾傾條件吧,
月入4,5萬冇問題,家又在太古城,有基金有保險,

我諗法邏輯又同你差唔多,我就覺得:
男人搵到D錢,又住太古又單身,梗係搵個好架啦,唔通搵個港 女呀?

咁你有咩條件?
初戀情人型,青春樣靚身材好有冇?

住家菜型,洗衫煮飯家頭細務識唔識?

時代女性型,男女平等步伐一致,咁你事業又如何?

背後女人型,細心溫柔有耐性,總有你鼓勵果隻,會唔會?

女管家型,相夫教子,理財有道不亂花錢,曉唔曉?

全部都冇?你要變中產?你係 X 家鏟咋掛?

讲真, 要住太古嗰D二十几年楼龄既楼, 都搞到好似追求梦想甘难, 呢D 又系边个既错呢?

18 則留言:

AK 提到...

邊個既錯...?邊個可以教到個囡有d咁扭曲既價值觀,果個咪錯囉...

肥蘇 提到...

那女生一定要看看蝸居這套戲,tvb好像就來播。他會有點覺悟

Hoito 提到...

我有朋友買不起樓。他的父母怨樓價太高,為子女抱不平。其實,他的父母姨媽姑姐都是炒家,係佢屋企人令佢買唔到樓。假設佢既親人冇炒樓,但總有人既父母係炒家。幾乎可以話,係人哋既父母令佢買唔起樓。係上一代令下一代買唔起樓。可以怨邊個?有樓既只望搵更多錢炒樓,搵到錢先可以幫仔女買樓。

詩白爾 提到...

捻起呢個來自高登o既帖

http://forum4.hkgolden.com/view.aspx?type=LV&message=2248463&highlight_id=0&page=1

篤篤篤撐 提到...

諗野係可以多角度的。

如果個個女仔都係o甘諗, 即係佢地只不過係不斷在追逐安全感, 並沒有追求愛情。

但, 每個人都天生會追求浪漫 (尤其是女人)。

於是, 作為一個冇錢冇樓冇cash乜都癟既男仔有福了, 只要你有計, 真係大把野食, 仲唔駛負責tim, 正ar~~~

小秀才 提到...

其實仲有好多女仔唔睇物質,只係想同個中意既人長長久久。

Betty 提到...

呢嗰女仔都系单一例子, 唔代表全部既...

又, 如果一间合意的居所 (我唔系指豪宅, 而且太古城也不是豪宅.) 不是那么困难去供的话, 也不会造就这些悲剧了.

匿名 提到...

那位想住太古城的村姑.....
我堂弟及堂弟婦都是中五畢業,今年27歲,他倆月入二萬多,租住大圍私樓,有位3歲仔仔,第二位小朋友9月會出世,他倆自知未有能力買樓,所以唔買,租樓住著先,我倒發覺他們一家幾口生活得很愉快,沒有因買不起樓而左愁右煩,很替他倆高興,知足肯捱,是他倆快樂的泉源!
那位想住太古城的村姑.....

Betty 提到...

系两个人夹埋二万多还是一个人二万多?

大围OK哦...得闲踩下单车...

過內人 提到...

其他角度同重點都大把人講。等我講吓啲廢話。

其實我覺得佢幾為得佢未來老公著想吖!太古城出名乜呀,大家知唔知?

香港島?港島區大屋苑多的是,南區有海怡同埋置富;西區有寶翠;同區有杏花村、鯉景灣。咁點解要太古城呢?...實用。

佢實用面積出名高,意味每一分錢,都可以用嚟住。

第二,太古城絕對唔係豪宅,而唔係「傳統正派豪宅」都有一個特色,就係有地鐵。你見淺水灣、赤柱有地鐵嗎?山頂呢?

地鐵快、靚、正,佢想佢老公可以每日準時返工,又唔洗浪廢的士錢,幾好吖!

太古城另一個出名之處係多日本人。可能佢想佢老公為國家爭返口氣,溝晒啲日本人妻。偉大!

匿名 提到...

這位太古小姐代表著超過一半的香港女士, 她們心裡追求的是有樓有車的安穩生活, 但嘴巴不會如此坦白的說出來.

Betty 提到...

甘又讲番转头, 香港唔似外国, 可以买架 motel 然后周围泊过其流浪生活.

应该无人(男女都好) 想住笼屋瞓天桥底呱.

匿名 提到...

其實講來講去咪就係想搵個有錢老公,做一個行出街唔會比人睇死嘅靚太囉,唔洗講到又要買架motel,又要流浪錦wo,香港係無motel,無位泊,係無人想住笼屋瞓天桥底,但香港有共屋呢。一開始佢就唔係傾咩結婚計劃啦,係結婚後做有錢靚太計劃,有咩好唉吖,有本事咪自己買樓買車,搵個無錢嘅男人同佢結婚囉,個男人搵兩萬幾都仲要唉... 咁二幾三十歲都仲係搵得幾千到萬幾咪要死咗佢?人怕出名pig怕fat,你有錢,人地更有錢,做到中產後又想個老公可以做埋理加城。唉... 女人真係可伯...

Betty 提到...

我估贪婪是人类天性吧.

GuiltySky 提到...

追求太古城並無不妥, 只是太急功近利了點
一結婚就夢想成真不太好吧...位小姐幾歲

還有我看不明白甚麼是 "原來佢得個殼"

匿名 提到...

"原來佢得個殼", 意思即係話佢個男朋友金玉其外, 身家唔多, 連太古城嘅舊樓都買唔起.

Unkle 4 提到...

其實個女仔咁有目標都唔係問題(不過唔受歡迎LOR),不過佢STRATEGY唔岩姐。佢如果一早摸清個男仔個底(家底),就唔駛去到而家呢個境地。

拜金無罪,錯在手法。

魔術師 提到...

我反而寫咗篇嘢分析個男仔喎!

太古女男友