与朋友吃饭, 得知她刚有了BB, 恭喜恭喜.
三个女人 (朋友A&B 是两姐妹) 坐埋一台, 自不然讲起生活上的柴米油盐.
老人篇:朋友A: 「老爷前排刚中风, 入疗养院每月HK$20K.」
小瓶子(流露恐惧的眼神, 虽然心算不怎么行, 但HK$20K X 2 = HK$40K 还是马上可以计算出来.): 「甘贵?????? 甘我家两老加埋, 我0米连饭都唔驶食?」
朋友A: 「所以现在搵D平D既, 但系最起码都要HK$8K-HK$9K per person 啦!」
小瓶子:「甘都OK, 但系可能得番白饭食......」
朋友A: 「老爷临中风前, 好多野都突然唔记得.」
小瓶子:「死啦, 我老豆呢两年都系退化得好快. 点算呢?」
朋友A: 「你要想D野比佢做......」
小瓶子:「佢唔肯去学新野, 成日话自己老啦, 系甘架啦, 好 give up 的状态.」
朋友B: 「不如叫佢帮你剪下报, search 下资料.」
小瓶子:「有D 难度哦.」
朋友B: 「打牌?」
小瓶子:「父母对打牌有负面观点, 从来无学过, 现在更加唔会学啦.」
看来, 小瓶子要找出已封尘的象棋来, 引诱父亲一起对弈了.
---------------------------------------------------------------
小孩篇:朋友计划只生1个小朋友, 重点栽培. 即使自己月入HK$50K, 老公也收入稳定, 都系觉得唔多够钱驶.
小瓶子 (好ideal, 好似唔驶$唔驶教唔驶养甘.....) : 「生2个的话, 小朋友成长会健康D. 而且长大左之后供养父母无甘大压力.」
朋友A: 「现在养1个小孩, 四百万都唔知够唔够.......而且, 我觉得独生子女0力D, 睇下你就知啦!」
小瓶子 (吓?????) : 「吓????? 我甘系朋友中, 都算搵得少嗰D, 属于最底层哦.....反而你做大家姐, 识得照顾人.」
朋友A (眼尾稍住细妹): 「但系我好辛苦咯....」
朋友B (摸住家姐嗰头): 「乜我无照顾你0羊?」
两姐妹眉来眼去地耍花枪. 睇住佢地甘样, 我心底仍然觉得, 要生的话, 生2个系好D.
小瓶子: 「甘又系, 我听人讲, 下一代如果要survive, 小学初中时段最好送去大陆重点学校. 高中送去外国读书. 留港读书升学必死无疑, 天桥底都唔知有无得訓. 因为迟D 港深铁路通左后, 大陆最精英嗰批直接来香港竞争, 佢地熟悉大陆政策, 有背景, 留过洋, 普通话/广东话/英语/再加一两种地方语言. 土产香港人连乞米既地方都无.」
朋友A: 「甘米系咯, 你种话生2个. 如果只系够钱送1个去外国读书, 另1个唔够钱, 甘好唔公平, 反而唔好.」
小瓶子:「.............」
---------------------------------------------------------------
通货膨胀篇:
朋友A: 「呢度食饭几抵架 HK$35 一个餐, 有新鲜鱼食, 你响街市买条鱼都要二三十蚊.」
小瓶子 (二十年无接触街市, 已经与之脱节.....) : 「吓? 乜甘贵????」
朋友A: 「加下唔知点解, D 野贵到飞起. 福建乡下买条鱼都十几二十蚊. 我地寄少少钱比阿婆, 都唔知够唔够食. 佢分分种都系吃白饭咋........」
小瓶子: 「吓? 将来我会唔会要食树皮呢?」
---------------------------------------------------------------
皮肤保养及名牌篇:
朋友A: 「知唔知道点去斑好呢?」
朋友B: 「系咯, 我同家姐都好多斑.」
小瓶子: 「唔知哦.....我买左本 《Stop! 别再错误保养啦!》入面好似有提过下, 但因为斑唔系我既 concern, 所以唔多记得. 总之保养皮肤, 唔好搞甘多野, 皮肤自然会好的. 现在D人就系因为搽太多乜乜乜, 结果反而伤害皮肤. 几好吖, 可以省番D钱, 我现在连 facial 都唔去做啦.」
朋友A: 「衫裤鞋袜可以省, 但身体保养唔省得哦. 我都唔明点解D人甘颠, 我间公司D人全部都系周身名牌. D名牌又唔系靓. D 鞋几千蚊一对哦!」
朋友B (很体谅但从来自己无买过): 「甘鞋着得舒服都好紧要既.」
小瓶子: 「我几百蚊一对高跟鞋, 一星期着一两日都起码着到两年哦. 一样系舒服架!」
朋友A: 「0米系咯, 根本一D 都唔值!」
