2009年3月9日 星期一

港男港女



43 則留言:

陳大文部落 提到...

張慧慈...

我偶像.....

簡直係我夢中情人.......

Betty 提到...

其实她老公都系将D 钱放入大家联名户口, 又唔系比晒嗰女人.

照佢的意思, 系大家要共同承担, 无分彼此, 即系如果嗰男人有事, 嗰女人都要拿晒自己幅身家出来帮佢. 我觉得几fair 吖.

Betty 提到...

「先說張慧慈小姐。看見節目中張小姐兩夫婦如此恩愛,令人感動流涕。但我是個講理性的人,總不能因為感動,便盲目對張小姐的觀點照單全收。張小姐說,那篇文章是要人明白夫妻間不分你我,無私信任,故要幫丈夫管錢。本來這是他們兩口子的事,與人無關,但她將之提昇為「相處之道」,變成一種道理了,就教壞社會。大家想想,有時我們買東西,為甚麼賣方要我們先付按金?是因為大家有無私信任,還是信不過你?為甚麼疑犯要付保釋金才能自由活動?是因為警方對疑犯有無私信任,還是怕他一走了之?以此觀之,如果有人要求你付出整筆薪金作為按金或保釋金,這是一種無私信任,還是一種自私的不信任呢?」

叶一知呢嗰讲法, 又好有道理哦!

Betty 提到...

话时话, 点解无访问陈大文0既?

匿名 提到...

反而想講下另一part,那女子說因為迎合男友鐘意靚女所以好注重外表又纖體又剩但佢一D都吾覺肥可說還有些瘦,反而一開口棚牙真係好失真,是否應該攪下棚牙呢?連個美容師都係好嚇人...棚牙!

張姐姐論點...那是她兩夫妻相處之道,未必識合每一對,於我來說管錢是大學問,最好別煩我.價值觀每人不盡相同!

至於那班男女在數落對方如何不是,祇覺是物以類聚大家都係小家計算,港女港男祇是一小眾,好有趣的一群,用名牌可提升身份或更有安全感...奇怪理論!

Betty 提到...

好有POINT, 完全同意你讲法.

既然用甘多钱来瘦身, 应该系整下棚牙啦!

陳大文部落 提到...

我同意葉一知的觀點,相信葉生和我,都是詳細看過張慧慈那篇文章。

張小姐那篇文章,不是她現在於電視講的那樣。

她現在是為那篇文章辯護。

葉一知是說出了那文章的事實。

( 注意!這是我個人主觀個人思考見解,無意批評擁有眾多支持者的張慧慈小姐,張小姐是美麗又有才華的時代女性,讚美、歌頌,唔該晒。)

陳大文部落 提到...

Um.......其實到而家 2009 年的今天,再拿『港女』來講,已經無乜意義。

而且仲要提『港女 N 宗罪』、『罵爆港男』....而家已經唔係呢啲嘢。

Betty 提到...

張小姐那篇文章我都有读过, 都唔多似佢现在讲既野. 不过既然她愿意修正/解释自己的观念, 就算啦, 当现在她所讲的才是她真正想法啦.

不过我又觉得叶一知的观点更胜一筹, 无论张的观点如何, 叶的论据都比她好.

Betty 提到...

讲真, 如果拍拍下拖, 嗰男人同我讲: "婚后你愿意把所有钱交给我吗?" 我即刻吓到走夹唔透啦. 既然讲男女平等, 甘点解女人向男人提出呢个问题又系合情合理?

由此可见, 呢条问题本身真系好有问题.

陳大文部落 提到...

其實唔係邊個論點優勝問題,而係事實問題。

葉一知所講的,當時張小姐發表偉論時,有無數人講過類似觀點,但女士們不會聽而已。當時是『港女』問題最熾熱的時期。( 果篇文幾年前了..)

如果張小姐現在又對文章『有另一種解釋』,咁,當初佢發表偉論時,係 A就 A,係B 就 B吧。

不過是但啦,我強調,不會妄自批評張小姐,張小姐的偉論,讓她『教化』多點香港女士吧,由得佢吧。

張小姐自有她的市場。

聶秀康 提到...

講到張小姐偶爾會在頭條讀到她的大作.不知怎地她每篇文章論點都must加上別人著引經據典,作來support自己的論據,像博覽群書或對自己沒信心,多看兩篇就覺張小姐其實沒什麼自己的主張觀點總是書云亦云.像個經紀人.

張小姐那編理財文章我也讀過,她說因為男方願意成副身家交給她管而覺得他很嫁得過.讓我覺得她像找生活合伙人多於心上人,所以很明白某些男士覺得港女很現實.
另:張其實對打扮衣著禮儀一無所知.她層上過女強人形象穿衣之道之類課程,上課初期...都著得好恐怖,講說話又手勢多多,總之與她對話就眼都花...留意下...依家都係一樣手郁郁冇改善過!
佢! 當然係超有上進心又靚女啦!

哥斯拉 提到...

法律問題:如果有錢有高收入的女性,嫁個又窮工作收入又不穩定的男人,萬一離婚,到底會不會財富均分?男人要不要每月交出X養費?

兩人一戶口,會不會有事就一齊破產....

Betty 提到...

李小龙:

早几个月前有个案例, 法官将两个人的全部财产一人一半. 虽然案件中是男人赚钱多过女人, 但我相信如果掉转, 跟着这个案例的判法, 应该都系将所有野一人一半.

两个人一个户口, 有事当然系一起破产啦.

3 ear:
張小姐嗰样同打扮, 响嗰节目中看来, 又几OK哦, 我觉得起码靚过我好多.

陳大文部落 提到...

坊間太多人吹捧和『神化』張小姐而已。

她是電視新聞主播出身,是有才華,但並非坊間講到咁神奇。

她也是一個多元化 agent,推銷『鳩型人格』、她的著作、她的課程、她的顧問意見、她的乜乜乜、她的物物物...等等。

很多『港式時代女性』其實無看她的著作和課程,但一人一句,friend 與 friend 之間吹捧下、雜誌歌頌下( 可能俾左錢落廣告 ),於是張小姐成為『icon』....


ps : 她的『鳩型人格』講座,印象中是 $ 480 120 分鐘,還要指定要買她 full set 著作(正價),多謝晒。


註:本人『在部落界鼎力支持』張小姐的,本人十分識撈,thank you。

陳大文部落 提到...

有發現!!!!!!!

片中影出一反港女網站『港女研究事務所』....


係我㗎喎,哈哈哈哈!


陳大文部落在 Yahoo 時,是『港女研究事務所』。

另外,我也有在討論區開過 blog(雖然無乜 update)

http://blog.wonderspace.net/214/

Betty 提到...

车, 无料到, 得一篇既....

最近怒插港女又无野update, 谢晒甘.

陳大文部落 提到...

因為我唔用 wonderspace 嘛,係用 Yahoo blog 的,我因為要 BT 至開左 wonderspace ...哈哈哈 ~~~

文章都在 blogspot 的陳大文部落。( Yahoo 已經清左 data )

Betty 提到...

D HSBC 蝕到入晒肉...快D搵多D 搞笑的题材写啦~~~~

聶秀康 提到...

瓶子
張是上過幾堂執過下的行政look,這段片的衣著算係ok的.

注意到嗎?她說話真係好多手勢郁身郁勢body language太誇張.

Betty 提到...

好, 等我留意下先.

陳大文部落 提到...

http://www.youtube.com/watch?v=n42FlHiRRHU

Betty 提到...

再看了一次video, 坦白讲, 我不觉得张的手势系过多哦.

Betty 提到...

看了Diamond Chan 条片, 嗰女仔讲D野其实都系反映左响佢生活圈子所见所想, 无乜出奇.

嗰女仔本身系生意人, 生意人好少会中意返D 一般打工仔, 因为大家思维方式相差太远. 而今时今日香港地, 要搞生意真系好难捞啦. 早十几二十年前可能可以储少少资本上大陆开山寨厂做起, 现在点可能及得上地头虫? 所以香港二十尾三十头既男仔机会根本系少左, upward mobility 系低左.

讲真, 如果纯以外表条件计, 高薪厚职的年青 banker 都未必会看上video 中红裤子出身的电子厂女老板. 很objectively 去看她的外表, 可以称得上为一件猪扒.

聶秀康 提到...

條片女角幾國內氣質,乜佢話自己係港人?吾多似喎!

以前國內講國語的說不好廣東話就話自己係台灣人死都吾肯認係國內人架.

陳大文部落 提到...

所以我一直認為:

1. 『港男港女』問題在香港是一直存互相的 Biasis及 Stereotype。

2. 港女指謫港男,是以一些很通用又好虛浮、但又未必符合其他人(包括她自己)的標準去看男人。


3. 港男對港女的指控,有些又不太公道。

4. 港男和港女,雞和雞蛋問題,港女為何有這個市場? 要問問港男了。

5. 其實,點解我覺得 2009 年談港女甚為多餘,因為已經好多男人上大陸娶老婆,而且不是『老年阿伯』,所以駛乜仲深究港女問題呢????


節目中那班男士,不見得很有質素( 肥仔聰除外),張慧慈的老公,喂,人地根本就係大老闆,可能營造市場。

我真係覺得映出嚟果班男士,除左健身教練那班講嘢似人樣外,其他的都認真麻麻,唔似諗嘢有腦嘅人。 ( 我個人直覺咋下 )

Betty 提到...

其实如果系女人做生意, 真系少不免会计算D, 我平时见得多呢D人.

讲真, 呢D 系佢地求生本能, 如果唔系甘, 生意都无可能会成功.

Betty 提到...

健身教練嗰班真系水准唔错, 求其是但一个系我男朋友都正啦. (有胡子的除外)

肥仔聰嗰样虽然几Q, 但我都系中意瘦既男人.

喂, 你甘讲, 0甘叶一知点呢?

陳大文部落 提到...

男人有男人的成功能力,女人也有女性的優點特質。

女人做生意成功,可能是夠細心。男人成功,可能是有膽色,兩者各有強項。

但香港的問題,是把很多不能共用的價值觀,強加在男女角色上。


港女要求男人要果斷、男子氣概、有錢、獨立能力,但同時又不能很有主見,要不合常理地所謂『 gentleman』,很矛盾。(而且有錢靚仔男,你揀人人也會揀妳)


但港男又想女方幫手分擔家庭經濟,但又要女人想幾十年前的『家庭主婦 only』,又想要靚女,但又扮高深,說女人打扮很無謂。


我只能說到這裡。(我未死,不過我可能用文章去談而已...)

Betty 提到...

简直是一针见血吖!

陳大文部落 提到...

[ 喂, 你甘讲, 0甘叶一知点呢? ]

我相信葉生發言有些保留,因為他也不是只探討港女問題,他是探討『流行文化、社會文化』的,港女只是其中一項課題。


我自己也是,我寧願寫多元化文章,談一些大的 Topic,例如香港的民主,政府問題,普選的個人觀點等等。


就算港男港女,我也不會寫什麼『港女 N 宗罪』,我反而會批評港男,也關注港男港女對社會的影響,現在香港出生率偏低,已是港男女的連鎖效應。

單純『探討港港港港...女』,我覺得有點浪費時間,由得港女吧,也由得港男去謾罵吧,死埋一堆,當睇戲......


一大堆港女八婆,一大堆扮嘢港男,襯到絕。

哥斯拉 提到...

兩人一戶口,如果其中一個買了"I kill you later",咁就一齊.....恭喜發財!

半小時播港女,有d行貨。

詩白爾 提到...

得罪講句,我覺得訪問裡面果位Florence小姐擺明想憑幾分姿色釣老細級烏龜,當然對一般香港男士不屑一顧更加可以不負責任地亂X。

佢身邊果隻黑衫馬仔明顯地就係影射本身素質低D o既香港女士代表,見人地食乜佢又話要食乜,真係.....唉~俾著跟到個大老細(e.g.劉先生),人地見你書都唔讀多本,真係即刻斬纜啦!

Betty 提到...

劉先生? 華人置業的劉先生? 佢话过帮佢生过仔的女博士无脑哦, 另外得宠的X比, 才不过中学毕业之嘛!

所以你话吖, 书读得多其实系会"stupidization" , 越读越stupid.

读过书的女人, 最后沦落到要靠男人养, 看男人的面色做人, 真系不如唔好读书. Follow 返中国儒家传统思想, "女子无才便是德" 好过啦.

詩白爾 提到...

據講女博士「司徒拔行為」係有寶島猛人教路,真相係點真係不得而知。

不過我覺得女博士o既蠢地方,係佢陪個有錢佬過世,有本事使乜跟個有錢佬出入ball場?小詩見識過o既其他女博士,佢地擇偶反而唔係咁講條件,可能坐得象牙塔太耐,或者真係無乜點執靚自己!

Betty 提到...

话时话, 讲返张小姐. 佢同人拍拖无耐就问人地"婚后你愿意把所有钱交给我吗?" 呢D 好明显就系不当的沟通技巧. 错误的示范, 大家学佢就死得人多.

比唔比钱呢D 0野, 系自愿无得逼既. 所谓勉强无幸福.

我有嗰朋友的老公未结婚前已经讲到明愿意每个月都将份糧交比佢管,然后再支零用.

我嗰朋友根本连问都唔驶问. 嗰男人自动波, 呢D先系高招吖嘛!哈哈哈哈!!!!

但讲返转头, 我嗰朋友都无话拿嗰男人D钱, 而且佢份人工根本种多过佢老公既. 拿 ~ 呢D就真系真心相爱啦!

陳大文部落 提到...

[ 婚后你愿意把所有钱交给我吗 ]....


真係好老實講:

如果係一個古惑仔,可以一秒鐘唔駛就答你:『Yes !』。 <--咁個女仔咪好開心囉 ~

但對於一個做事好認真嘅男人來講,可能真係諗左幾秒鐘至答,或覺得呢條問題奇怪,咁個女仔就會覺得呢個男仔『唔嫁得過』。

是否男自動波交份糧俾女方管,係個別人自己嘅事,各人有各人喜好,究竟邊招至係『高超』,無定案,你 buy 對方又 ok 就係高超。

Betty 提到...

---> 諗左幾秒鐘至答 .......my answer is "No, this is impossible! Don't even dream about that!" 哈哈哈!!!

陳大文部落 提到...

係女方問男方

我諗無乜邊個男人會咁問女人啦下話....?

而我諗亦都無乜邊個女人會答『YES』下話。

Betty 提到...

可否解释下, 点解响男女平等的社会, 竟然没有男人会问, 也没有女人会答应?

Betty 提到...

系哦,大文兄, 张柏芝第二集真系无下文哦...你餐饭点计先?

陳大文部落 提到...

其實睇番肥仔聰佢講,都好反映實情。

肥仔聰話港女要男女平等之同時,要『自己有左底薪(基本權益),才和你談男女平等,而男人就不能有底薪(基本權益),但同時又要和女人平等』....你不妨聽番。

Betty 提到...

肥仔聰既比喻系几好.