2009年3月5日 星期四

新包包



旧的包包用了一年多, 旧的包包与这个新包包式样上有点相似. 不过它是白色边, 而且整个都是用布做的. 这个新的包包的红色边是用軟皮造的.

旧包包的白边沾染了各种衣物及空气污染的痕迹, 开始泛黑, 洗了好几次. 第一次洗完效果很好. 但洗了几次后白边就怎洗也不能复回原貌了. 而且用了两天又会开始变黑, 很无奈地放弃. 这几天一直看有无合适的包包可以买, 终于买下了这个价值HK$560的包包.

17 則留言:

聶秀康 提到...

白色嘛,很難打理,我通常都選深色,最近各店勁減買了個個平時較少用的布包包.
妳這個可放很多東西,沒打折嗎?

Betty 提到...

打了七折才是HK$560. 最后一个了, 所以无得再等啦.

我其实行左好几日, 去了不同地方看. 其他我觉得比较好少少样的都过千!!! 买包包我从来未试过超过HK$800呢嗰心理关口, 所以唯有买呢嗰咯.

聶秀康 提到...

我以前不用低過千的包包,都係心理關口...家下百零文都買,覺得都好靚一切係自己眼光品味問題,當然家下一街都係名牌價錢不合理地貴,重要好核突才令我卻步!

Betty 提到...

其实最重要系质量.... 如果系布做的话, 百几蚊有D 都好好. 我都有两三个.

例如我买呢个皮+布, 因为D皮靓, 所以贵少少都OK.

聶秀康 提到...

我買的那兩個是全布,半價後買2個還有8折..陰公我都癈事晒腦根2個吾洗300文,其實果日係去飲茶未有位,行過格離商場就亂花錢...女人嘛!

妳的新手袋包了皮邊應該襟用些.

Betty 提到...

系呀,现在D野真系好平. 我刚买了条黑色丝绸西裤, 光面的, 好滑好軟. 原价五百几蚊, 现在系HK$180, 刚好我嗰码种有一条. 哈哈.

Betty 提到...

你得闲post D 袋相出来看看...交流下.

聶秀康 提到...

好啊!

imak 提到...

講真, 我不會買過萬一個袋, 因為覺得好唔值! 也不會天天換手袋, 所以買咁多黎無用. 一個黑色一個皮色就走天涯了! 聽講依家d OL 仲會租袋用tim ah! 手袋真得咁重要嗎?

匿名 提到...

小瓶子你是把一個包包用到快爛/殘才轉換新的包包嗎? 我是一個對得耐 (耐的定義是同一個包句用足一個星期) 會好厭的人,所以那些一萬幾千的包包我絕對不會買啊!(加上又唔覺得靚!)

家中的手袋多到,我老公每次見到都搖頭嘆息!

這個很耐看呀,包了皮邊真的會耐用很多!

Betty 提到...

我应该有10个袋左右(包括斜/背囊). 我相信自大学毕业以来, 我所买的所有袋的价钱加起上来, 等于一个LV一半左右啦.

我觉得除非任何场合, 包括返工, 去街, 打波, 游水(泳池+海滩), 去旅行, 去ball, 去饮都系用同一个袋, 而且该袋可以系十年都不会旧, 不会霉; 角为边位不会花,不会蘑蝕. 甘样的话, 米买个LV或同价的袋咯.

陳大文部落 提到...

據我所知,而家深圳老翻 L.V 已經全面改良,以前啲人話老翻用極都好新好靚,而家犀利喇,翻版 LV 會同真 LV 一樣會『殘』嘅。

GUCCI 圖案方面,經新款嘅電腦繪圖重組,已經同真 GUCCI 無分別,而且每一 Part 的縫線,都有完善嘅步驟,基本上老翻廠其實同真 GUCCI 廠係一樣嘅。

所以見到周街女仔用 LV ,唔係佢地有錢,係老翻做得太好,已經『零瑕疵』了。

而街上無乜人用 Hermes,只因老翻少出嗟。真 Hermes 太貴,用家反而唔鍾意,因為一行出街,人地會好覺你係用老翻。

Betty 提到...

讲真... 用LV, GUCCI 日日逼地铁返工放工...繁忙时间嗰种人贴人的逼法, 乜袋都会变型啦...拎住嗰 Hermes 去茶餐廳, 又高贵得去边吖?

陳大文部落 提到...

[拎住嗰 Hermes 去茶餐廳, 又高贵得去边吖...]


你都咪話,如果 Hermes 出老翻,真係會隨街都係㗎。

老實講吖,唔好話我講得衰,今時今日真金白銀去買正版 LV 係好戇居,周街都係,多你一個唔多.....

Betty 提到...

点解 Hermes 唔出老番既? 话时话, 我觉得某D burberry款都OK, 如果少0甘嗰零的话, 我会考虑买咯.

陳大文部落 提到...

Burberry 有出老翻呀,做得唔錯㗎。

Betty 提到...

费事啦....买老翻不如买无牌子嗰D 种好啦.