2009年2月18日 星期三

售货员


不知道大家有无遇到过很 aggressive, 很 pushy 的售货员?

今日, 我走进一间标明全场HK$100的店铺, 正想看看是否有又平又抵的正货, 售货员马上「轰」埋0黎:「小姐, 我地现在全场HK$100. 」这句说话尚算合情合理, 毕竟售货员不能排除有顾客是文盲的可能性. 而我的头上, 也没有刻着「我认得字」.

我向售货员讲: 「Okay, 等我慢慢睇.」这时候,识做的售货员会行开, 与我保持距离, 让我慢慢挑选. 可是, 这个售货员在不到三秒的时间, 便马上拿起货架上的某件货, 向我促銷: 「小姐, 呢件好0岩你吖.」(按1) 对于这种推销方法, 我是十分抗拒的. 因为我的 taste 绝对与你不同. 而且, 你给我的感觉并非为了我的外形配合某件衣服而作出专业推荐, 而是为了把卖不出的货物硬塞给我.

这时, 我会再重复一次: 「得喇, 我慢慢睇. 」

平常人听到这句说话, 应该都好明白应该要怎样做. 可是, 世上总是有些异人, 今天我就遇上了一位. 这位售货员又在其他货架上拿起另一件衣服, 问我: 「小姐, 呢件你中唔中意吖?」

我看也没有看那件衣服, 干脆答她不喜欢, 便离开了.

按1: 某些售货员把这句话变种: 「小姐, 你甘高/瘦/白净, 呢件好0岩你吖.」

11 則留言:

匿名 提到...

好煩...
有d人就是這樣, 要畫公仔畫出腸先明! 或者係明, 不過一日無表明,佢都是這樣做.

匿名 提到...

都為佐打工,講下就算啦

Betty 提到...

我觉得不同人有不同性格, 可能有某写顾客会buy 她那套. 但做得 sales, 应该要比较懂看眉头眼额, 有些顾客例如我, 既然讲到明想自己慢慢看, 她硬是要逼我看她推荐的货品, 这会令人反感.

Betty 提到...

匿名:

所以我都系响BLOG 写返出来, 无对嗰sales 点吖. 但呢嗰 sales 甘做野法, 其实系帮老细倒米.

陳大文部落 提到...

講開 Sale屎呢,我有件事想講好耐喇。

我唔知係咪我個樣『唔夠潮吖』、『唔夠 I.T feel』吖、『無著西裝唔似大老闆吖』定係點,當我去睇(選購) 電腦呀、Notebook 的時候,通常果班 Sale屎一定會:



( 真係....不如我用 blog 文寫出來好點,希望有做 sales的人會睇下,希望佢地明白,有時唔係市道差問題,而係態度令人根本唔想買嘢...)

Betty 提到...

陳大文:

期待你的文章. 今时今日甘既服务态度, 真系....

L L 提到...

我哩,啲售貨唔會埋身,一來我成個窮樣,二來仲有個惡樣!

eric 提到...

我通常聽住音樂行街,所以好少有sales嚟煩。有都聽唔到,或詐聽唔到。

市場維京人 提到...

經濟唔好,個 Sales 好想做成單生意呢。

Betty 提到...

适得其反, 唉!

聶秀康 提到...

有時係上頭要求!