2009年2月20日 星期五

供求


昨天无意中翻开某嗰 speed dating website (按1), 发现原来女仔的收费平均多过男仔10%-20%. 可见得男人是多么渴市.

按1: 唔好误会我想玩speed dating, 我架下已经无兴趣, 因为曾经玩过两次, 闷爆!

25 則留言:

篤篤篤撐 提到...

未必是因為男仔渴市, 而係因為女人比較有錢....

Hana 提到...

我試過俾個friend搞手叫去撑場,啲男人好鬼唔掂...

哈哈哈

kenkachemhazard 提到...

經濟問題:為什麼迪斯可的情況剛好相反,女的免錢男的收費?

Betty 提到...

Hana,

>>>啲男人好鬼唔掂...

完全同意你讲法, 无论外表 (十个有八个矮过我或过肥或成面暗疮) or 沟通能力有问题 (唔讲野都笑下吖).

Kenka:

主要因为去的speed dating, 多数都系中女 (28岁-35岁), 呢D 女仔都好恨快D 拍拖嫁人.

而 disco 嗰D 系16-20岁的女仔, market value 高.

哥斯拉 提到...

3對3或6对6晚飯?有冇換位呀?係咪好似電影電車男,開口就上網,成身電子科技?

匿名 提到...

我fd去過呀(真係唔係我), 佢話d佬唔掂, 仲要好鬼現實, 見到d女唔靚既, 唔岩既直頭拎歪面, 駛唔駛咁呀!

陳大文部落 提到...

唔係男人渴市,係女人過多。

好老實好老實講,男人要靠『Dating Agent』或者『Match Dating Event』去所謂找伴侶,已經唔 work ,我當然唔可以話人人唔 work,但事實上,唔係好得的。

你諗下,去得 Dating event 的男人係一班咩人,刻薄點講,『稍為似人樣』嘅都唔會去啦,以香港為例,一個男人真係要搵番個人,大陸已經有啦,而且唔係鄉下妹( 而家無呢樣嘢㗎喇,come on )。

如果去 dating event 班港男,仲要執著『睇唔起死大陸妹』的話,呢種人,又係好老實講吖,係咁先㗎喇。

港男,ok,有事業有點錢,禮禮貌貌,在港搵個人,唔難嘅,除非你要『the top of the top best』嗟,正如香港女仔,大佬妳下下要 CEO 才俊,道理係一 Q 樣囉。


好喇,你又諗下,去 dating event 嘅女士,又係班咩人,大佬幾丫歲又有,青春但樣衰又要求過高嘅又有,乜人都有,你俾入場費之嘛,人人去得㗎,係咪先。

總之呢,dating event 裡面,男嘅又不自量力,又唔知自己真正想要乜,女嘅,又以為『去 dating event 發達喇,無死喇』咁樣.....

你諗下,邊有好結果呢。


( 唉,循例講番先,以上是我個人主觀的觀察和主觀評估,不代表全港每一位及每一年齡組別男女人士,及與亞太區無任何關系,及和所有學術派及女權抗爭無任何關系,唔該唔該,講下嗟,講下咋,無嘢㗎,多謝多謝。)

Betty 提到...

有一次系6 ppls table dinner (or 8?)另一次系几十人车轮转甘.

车轮转嗰次, 每转一次有三分种时间, 不停重复介绍自己十几次, 或者听人介绍自己,真系惨过见工. 我去到第三四个, 已经想走.

而且, 我见到有个50几60岁的男人, 非常恐怖. 局部性无头发之余, 又要流长头发 (长毛嗰种长度), 种要系披头散发甘. 白色西装+窄身裤(!!!) 留胡子. 真系唔系讲笑, 我吓到魂飞魄散!

陳大文部落 提到...

[我fd去過呀(真係唔係我), 佢話d佬唔掂, 仲要好鬼現實, 見到d女唔靚既, 唔岩既直頭拎歪面, 駛唔駛咁呀!]


自由行,咁咪係囉,去 dating event,選香港小姐咩,香港小姐就唔駛去玩 dating event啦,況且,做人呢,有時禮貌啲好,唔啱咪當傾傾計囉,最多傾兩句囉,無謂搞到咁嘅。

不過咁喎,你果個係女性朋友講番咋喎,有 Basis 喎,同樣地,男性參與者一樣會話『嘩班女人咁嘅!?唔係化?』這樣的。

嗱我話嘅:

男人見女唔靚即拎歪面,咁搵Model 囉,俾錢囉,晒碼頭囉,實有靚女㗎,請女仔去文華 dinner囉,三幾仟嘛,實有靚女同你搭訕㗎,哈哈。

女人方面唔講太多喇。

陳大文部落 提到...

[车轮转嗰次, 每转一次有三分种时间, 不停重复介绍自己十几次 ]


瓶子,我個人意見啦,又係真係好老實講,人與人溝通,係好立體嘅一件事,三分鐘?你估焗即食麵咩,點可能三公鐘之內,人與人可以互動溝通而且投契呢,無可能的。

而且,我個人體會啦,人與人成為朋友(不論友情或愛情),只係『介紹自己』,可能只會講自己最好最吹水嘅表面,但真正傾到計,就要大家少一點吹捧,少一點作狀,自自然然咁,輕鬆啲,笑下,Smile,唔好太睇唔起人,雙方搵下有無合嘴型嘅話題。

啱嘅,睇下有無得發展囉。

唔啱? 算囉,係咁㗎喇,好來好去,或者多個新知己呢,都好㗎,下話?

Betty 提到...

其实即使嗰男人唔靓仔, 都请尊重下场合, 着番件合身西装(通常男人着西装会好睇D), 如果痴肥二百磅就请减肥. 假如有秃头现象, 请面对现实, 一系去稙发, 一系就索性铲光头(其实我个人觉得光头都几性感), 唔好有三两条头发横过地中海部分就以为可以遮到成个地中海.

就算真系矮, 但如果执得企理干净, 一样无问题.

陳大文部落 提到...

嗱,我做左幾丫年人,人見我我見人,我個人生活經驗呢,男人而言,唔靚仔其實唔緊要,但做人呢,點都企企理理,好聲氣啲,唔好扮型,真係唔好扮型,除非你有條件扮得型,否則呢,唔適合留鬍鬚嘅,就請唔好留啲唔留啲,成個爛佬咁。

仲有,肥得滯,為自己健康,減減佢,無人要你六件腹肌( eg: 強橫型人: 卡臣 <---無得頂啦),但企企理理,唔好肥到成個波咁囉。


無錢著靚西裝,唔緊要嘅,乾乾淨淨恤衫一道,正正常常,個款老老實實,雖然平凡,但喂大佬,你估而家『2009 巨星選舉』咩。同樣地,好多女人都樣貌平凡,無可能個個明艷照人嘅。

要明白自己咩款,做番適當嘅嘢囉,係一門哲學嚟㗎! <---廉價賣弄又嚟喇~


男人無頭髮,地中海,無辦法喇,你講得啱,一係去醫醫佢,一係呢,唔該,多謝合作,剃左佢,無頭髮就係無,唔會『扮到好似有』的。


矮仔?無問題,無論高佬或矮仔,企理、老老實實,有啲禮貌,矮仔一樣可以搵矮婆,高佬一樣有高妹 ok。


唔好意思,我講嘢用字粗卑左少少,直接左啲,唔該晒,拜拜 ~~~

匿名 提到...

大文兄:

我認同你既講法. 呢d野, 真係你揀人時人揀你..唔岩傾咪做個"幾分鐘"朋友咯!!

篤篤篤撐 提到...

局部性无头发之余, 又要流长头发 (长毛嗰种长度), 种要系披头散发甘.
>>>>
呢種人, 如果識武功既, 就叫做"飛妖", 不過佢地仲有個更廣為人知既外號......






水母 !!!!

Betty 提到...

种有, 嗰男人个嘴系歪的.

隔左甘耐我都种记得(也只几记得他一个), 可想而知几恐怖.

Betty 提到...

>>>卡臣 <---無得頂啦

卡臣, 真系几靓仔几型0既!

聶秀康 提到...

未去過,我覺得好尷尬3吾識7,或者廿到尾就好想有結婚對像,我睇個情字好細,不排除會獨身tim.

陳大文部落 提到...

[种有, 嗰男人个嘴系歪的]...



簡直係心跳回憶 ....

若缺齋老人 提到...

完全同意你讲法, 无论外表 (十个有八个矮过我或过肥或成面暗疮) or 沟通能力有问题 (唔讲野都笑下吖).

嗚嗚嗚...瓶子兄駛唔駛咁直話我?

匿名 提到...

1. 人無完人,口歪者少,心歪者眾!

2. 你埋帶定驚風散去lor

3. 看起來離完美越近的人,越是可怕!

Betty 提到...

嗰问题不是那个人嘴歪, 要结合上文看.

是那个人, 明明已经嘴歪+超级地中海, 种要留长头发, 留短胡子, 然后着D 好有型的白色西装 + 窄身裤 . 尖boot 型皮鞋.

老实讲, 对于呢D 甘「前衛」的打扮, 我就真系唔识欣赏啦.

陳大文部落 提到...

要睇埋上文下理,順次序看,順次序理解會比較好。

匿名 提到...

與其花錢去speed dating﹐不如去參加一些cross disciple的CPD課程﹐起碼大家都係專業人士﹐有共同語言﹐睇到順眼就行動﹐搵唔到都起碼學到野呀。

匿名 提到...

哈哈﹐係cross discipline。

Betty 提到...

我太懒啦, 而且对专业人士例如律师医生会计师之类零兴趣.