2009年2月20日 星期五

这么近, 那么远


有朋友昨天与我MSN, 诉说不想再考专业试, 因为每次考试都很大压力, 失败了数次之后已经无心再战.

我也是一个很怕考专业试的人, 所以考了最低资格的试 (HKICPA) 及一个超 hea 的试 (IIA) 之后, 就不再踏入试场.

所以, 朋友的心理我是十分明白. 对于所读的东西毫无兴趣, 只为了一纸证书然后赚取更高收入, 有时候会真的宁愿放弃.

我唯一担心的是, 朋友的男朋友是一个要求很高的人, 他不停去考专业试, 在职场上提升自己, 又期望女朋友赚取与他相若的薪金. 万一将来两个人差别越来越大的时候, 这男生会否嫌弃她?

又, 这位男生早前已经不停批评我的朋友整天做一些 non-productive 的事情, 不读书 (for career and money)/不做 gym (for health), 只会听歌和上网. 这样下去, 两个人只会越走越远.

15 則留言:

匿名 提到...

对于所读的东西毫无兴趣, 只为了一纸证书然后赚取更高收入, 有时候会真的宁愿放弃.

係呀~以前我都係咁,感覺像行屍.

你朋友同她的男朋友在思想上已經有距離,為左追趕身邊的那個人而不斷地迫自己,不如換個個男朋友算啦!

Betty 提到...

就来结婚啦, 换唔切.

陳大文部落 提到...

除非那女的頂得順,否則遲早一定散。

雖然就來結婚,不過咁又點,結婚不代表不會離婚。

通常呢類男人不會給女人幸福,只不過要求女方成為一個有生產力和高增值的員工。

Betty 提到...

最令人担心的是, 现在嗰男人叫我朋友看多D 关于BB 的书, 多D 去做 gym to make sure 自己 healthy, so that 嗰BB 都会 healthy.

听落去好似成为左生仔机器甘, 而且嗰男仔似乎不打算帮手凑BB.

kenkachemhazard 提到...

以你的觀察所得評論的話,好難搞。

男人唔知道佢正要女人承受雙倍壓力,女人遲早頂唔順。

在之前,男人最大問題係佢價值單一,而且迷信自我增值靠沙紙。依此推理,呢個男人極度缺乏安全感。除非你朋友是聖母,否則只會累鬥累,唉。

匿名 提到...

>>对于所读的东西毫无兴趣, 只为了一纸证书然后赚取更高收入, 有时候会真的宁愿放弃.

好認同.

Betty 提到...

当然, 我系度废 up, 都系以偏概全的观点. 两个人之间的事, 都系他们自己最清楚. 嗰男仔我本身只是见过几次, 对于他的印象, 全部都系由嗰女仔讲返出来.

早几年我经常劝嗰女仔离开, 就算无男人一个人生活都好过忍到生 cancer. 但现在人家都要结婚了, 基于传统古法智慧 「宁教人打仔, 莫教人分妻」, 都系响BLOG到继续废 up 算啦.

L L 提到...

祝他們好運罷!

不過水向低流,有啲嘢擋唔到,一滋生了不滿,會慢慢放大!

陳大文部落 提到...

善意的人 + 當事人女士

善:『點解妳鍾意呢個男人呢?』

當:『因為我鍾意佢好講求生產力囉,好有才華囉,好學囉,有前途囉,對自己好有要求囉,對所有嘢都有要求囉。』

善:『咁,之但係佢要妳咁咁咁,又乜又七,妳好辛苦下喎...』

當:『我覺得好難頂呀,佢希望我似佢不斷向上,同佢搵一樣咁多錢,要我做 gym,要保持健康囉,佢嫌我 整天做一些 non-productive 的事情, 不读书 (for career and money)/不做 gym (for health), 只会听歌和上网....咁囉。 』

善:『咁其實妳頂唔頂得順,妳覺得佢真正適合妳嗎???』

當:『唔知呀唔知呀,總之我唔要平凡人囉,我要有人襯得起我囉,佢要求高有佢嘅理由嘅!知喇知喇知喇,我自己好清楚嘅!!!』

善:『關心下妳嗟,希望妳開心啲..』

當:『得喇得喇得喇,無問題呀,有問題咩?無呀,ok吖!』



旁觀者:『收線啦.....問多錯多,講多錯多,多 ~ 晒,拜拜 。』

雪山飛狐 提到...

"只为了一纸证书然后赚取更高收入, 有时候会真的宁愿放弃"

所以我的SCJP读到现在都是半桶水. 何况考了也不会加人工. 只不过是为了找工作的时候竞争力高一点罢了.

Betty 提到...

好奇一问: SCJP 是什么来的?

我觉得, 就算不读书赚钱, 都应该培养一些自己的兴趣, 看多D 书, 做下GYM/YOGA/跳舞之类.... 当然, 如果可以好似Hana 姐甘, 乜都识, 乜都精, 就无得顶啦.

eric 提到...

題外話:blog相個兩個男女,畫到好似喺度放緊屁咁嘅?(喺,我好無聊嘅)

Betty 提到...

好好幻想力哦....

** 飛雪素素 ** 提到...

你個朋友好慘呀

咪嘈 提到...

真喺極度同意妳嘅講法,好彩我屋企果個支持我唔好再讀呢d咁辛苦有壓力又浪費錢嘅嘢,我讀埋今個學期唔要個degree啦!成個人鬆曬!
佢話寧願我做d non-productive but cost-effective嘅嘢,例如睇下自己中意睇嘅書/電影,煮下好餸俾佢食。
多謝祖先俾個理解我嘅人來到我身邊!