2009年1月13日 星期二

转载: 陶傑車廂故事 



讲开陶傑, 有些文章真的十分精彩. 转贴其中一篇讽刺两铁附例规定乘客不可讲粗口, 否则要坐牢的文章. 现在的规定好像是放宽了, 讲粗口只是罚款, 不必坐牢.

兩鐵禁粗口,說粗口,從此要坐牢,不但說那一系列動詞和幾個廣東話男女生殖器的正字固然不可以,連諧音,只要引起周圍乘客的「冒犯」也不行,包括「妖」、「杏加橙」、「戇膠」,都會惹官非。

香港青少年,說話多懶音,中港一體化,大款北姑,自由往來,在地鐵車廂,文化交流,隨時會出亂子。
「你撚緊咩呀。」一個從長春選拔來的內地尖子女大學生,她叫刁小茜──在東北,刁姓是大姓──派來香港當交換生,交上一個香港大學生男友,一起坐九鐵,從沙田出發。小刁的兩臂,緊緊圍套那個姓李的香港男生的脖子,風光旖旎地嗲問:「快講俾人聽咧,你撚緊咩,小李?」

「我撚緊咩?」小李是大學國是學會會員,很有遠大的理想:「我撚緊,國家西部大開發,有好多商機,我想一畢業就畢上內地,小刁呀,那時我們一起新污,好不好?」
「好衰,壞到死。」她投訴:「咩西部大開發呀,個西部,你重未開發夠咩?擒晚重加大開發力度,搞到人痛到死嘛。」她搥了他的胸一下。

這時,旁邊一個洋遊客,拿一張地圖插話:「Excuse me,請問,這一列地鐵,會不會去鳩LunTong?」
「什麼?」大學生問。今天大學生的英語程度,眾所周知,有點不敷應用。

「鳩!鳩LunTong!」洋人大喊,因為列車開駛的聲音很嘈吵。小李終於聽明白了,當了良好市民,為洋遊客指點了迷津。
車到紅磡,一雙小情人高興地下車,沒想到在月台上等的,是兩個軍裝警員:「我們接到九鐵轉介的乘客電話投訴,指你們兩個,連同一個在逃的外籍人士,在車廂重複講粗口。現在,我們要記錄口供。小姐,你先講,請問你貴姓?」
「刁。」她一臉倔強地說:「佢係我男朋友,小李!」

「阿Sir跟你講,嘴巴淨一點。」警察有點火了,大喊:「你姓什麼?」
眼見香港的警察,也露出一副兇相,她沒再答話,只緊抿下唇,與小李兩手緊緊握在一起,眼眶閃淚花……

其实我想问, 如果讲 "son of a bitch"/"fuck", 会不会被人告? 如果只是罚广东话粗口, 而不罚英文粗口, 是否言语歧视? 甚至是崇洋媚外? 再引伸开去, 法文粗口会否被罚? 執法人员有没有足够的语文水平来判断那些是粗口, 那些是粗俗语言但并非粗口?

现在的学生普遍英语水平下降, 如果有位英文老师与学生一起搭港铁, 英文老师鼓励学生:
「你用心学好英文吧!」而学生一本正经地答:「I ..I... will.... 搓 ......my breast!」这又会否被告性骚扰?

又,
现在的老师英文也不怎么样, 所以嗰故事也可能是:
英文老师鼓励学生, 想叫他用心学好英文: "Please 搓 your breast, I'll hell you!"
而学生一本正经地答:「I ..I... will.... 搓 ..搓....my breast!」
结果师生都被捕, 然后被起诉骚扰乘客.

伸延阅读:
英文粗口

16 則留言:

自由行 提到...

笑死xD
亞卡成日教"搓my breast" ..呀,,唔好拉佢呀!!

Betty 提到...

Um....我有理由相信, 系香港讲英文讲得唔好, 好容易会犯法架...

Unknown 提到...

其實真的會比人拉嗎?

真係"O賣吉"!!

Unknown 提到...

只從97後, 英文真係已經變左第四語言
香港話(中英文白話)>廣東話>國語>英語

Betty 提到...

very true.. 我发现我都系甘!!!

卡臣 提到...

亞卡成日教"搓my breast" ..呀,,唔好拉佢呀!!
嘩!唔好拉我呀!

eric 提到...

陶X雖然衰衰哋咁嘅款,不過有時寫啲野真喺幾搞笑。

有一次無意中睇到廣東省電視台嘅廣東話節目,佢哋嘅廣東話同香港個啲有啲唔同,都幾有趣。

我相信好多卡臣讀者真喺想try吓卡臣嘅胸嘅。

Betty 提到...

>>>我相信好多卡臣讀者真喺想try吓卡臣嘅胸嘅.

简直讲中了我嘅心声.

自由行 提到...

>我相信好多卡臣讀者真喺想try吓卡臣嘅胸嘅。

如果可以搓一次, 好...今年封利是可以唔駛俾.....哈哈哈哈哈~

Betty 提到...

其实我想拮下...

匿名 提到...

>其实我想拮下...
嘩...拮下? 你想試o下有無漏氣? 哈哈..

L L 提到...

我好憎陶傑!

假漢人,真洋奴!

其實乜都係講感覺,廣東粗口比北方粗口難聽,比西洋粗口難聽,因為後兩者與我們有隔。我喺地鐵都聽過人講電話滿口粗言,仲大大聲。我住佢,佢真係慢慢收歛。

不過 Bottle 你唔好制,我爛命一條!

匿名 提到...

小瓶子:

>我住佢,佢真係慢慢收歛。
呢d先叫夠彊.

L L 提到...

我諗我受到三拳嘅,佢一係打死我,打我唔死就佢死!

自由行 提到...

如果你跟葉問學番招, 咪佢頂你3拳咯!!

Betty 提到...

我好爱惜自己, 不会为别人教养问题(e.g.讲粗口)而牺牲自己生命.

君子不立危墙之下呀 ! 哈哈.